Nimin khan Lawngtlai District Legal Services Authority leh District Child Protection Unit, Lawngtlai tang kawp buatsaihin Lawngtlai DC Conference Hall-ah naupangte himna dan zir hona (Consultation on Effective Implementation of JJ Act) neih a ni.
He hun hi Advocate Pu MC Lalbiakliana'n a kaihruai a. Resource Person Pi Darbuangpuii, Juvenile Justice Board Member chuan kum tling lo dan bawhchhiate man an niha an chunga tih tura danin a phutte a sawi a. Lairam Motherless Home-a Superintendent Pi Linda Lalnunpari Fanchun chuan fa lak dan (adoption) chungchang leh chumi atana hriat tur pawimawhte a sawi fiah a. Child Welfare Committee Chairperson Pu HL Rinawma chuan Juvenile Justice Act 2015 hnuaia naupang dikna chanvo humhalh chungchang leh Child Welfare Committee kalphung sawi fiahin, naupang thil tisual leh dan bawhchhiate chu JJ Act tlawh chhan chauhva hrem leh enkawl zui theih an nih thu a sawi.
He inrawn khawmnaah hian naupang himna atana thawktu - Juvenile Justice Board member-te, Child Welfare Committee member-te, Observation Home-a thawktute leh Juvenile Special Police Unit bakah, District Child Protection Unit-a thawktu mi thahnem tak an tel a ni.
