Vawiin khan Lawngtlai District chhunga health worker, ASHA leh anganwadi worker te tan kawthalo do beihpui thlak "intensified diarrhoea control fortnight" (IDCF) lo awm tura hma lak dan tur zir hona chu District Hospital Complex-a Health Worker Training School-ah buatsaih a ni.

He hunah hian Sr Medical Officer Dr S.Thaizi chuan Lawngtlai District chhunga Health Department staff te, ASHA leh anganwadi-a thawktute hnenah kawthalo awm theih dan leh a enkawl zui dan te powerpoint hmangin a zirtir a. Fur ruahtui a tla chho tan leh tawh a, kawthalo laka inven uluk a ngai zual hle tih sawiin, kal khawmte chuan IDCF-a chhawrnahawm zawka hna an thawh theih nan kawthalo lan chhuah dan leh a enkawlna damdawi hman dan a zirtir bawk.

He workshop-ah hian mi 90 chuang an tel thei a ni.