2250/2025-2026

Dated Lawngtlai,17th November 2025 : Vawiin khan Pu Donny Lalruatsanga District Bawrhsap kaihruaiin a Office Chamber-ah kumin Krismas leh Kum thar vuakveta mipuiten ralmuang leh him zawka hunpui an hman theih dan tur ngaihtuahin thutkhawm neih a ni.

Pu Donny Lalruatsanga chuan kalkhawmte hnena lawmthu sawina a nei hmasa a. Hunpui laia zalena tak a mamawh lei a bazar chu a tul hle a ti a. Hemi atan hian 'No Vehicle Zone' siam chu tul nia ahriat thu a sawi a. Halmawi leh a kaihhnawh chi hrang hrang, naupang silai lem (a mu kapchhuak thei) lakluh, hralhchhuah, kawl leh hman khapna thupek (prohibitory order) chhuah a nih huna tha taka zawm tura Lawngtlai mipuite a sawm a. Bawrhsap chuan Kohhran leh Tlawmngai pawl hrang hrangte thawhpuina a sawmin, nuam leh zalen taka hunpui hmang theih turin mipuite duhsakna a hlan nghal bawk.

Pu PC Lalchunglura, Superintendent of Police, chuan mipuiten Krismas leh Kum thar nuam leh zalen taka an hman theih nan Police lam ten theihtawp an chhuah tur thu a sawi a. Dan leh thupek kenkawh kawngah khauh zawka tan lak a a nih tur thu a tarlang a ni.

Thutkhawmah hian thu pawimawh tak tak rel a ni a. Mipuiten zalen taka mamawh leia bazar- na hun an neih theih chu a pawimawh hle an ti a. Hemi atan hian No Vehicle Zone - siam tha an ti a. L III lamah Salem Store, Vengpui lamah Synod Bookroom, Council Veng lamah Bazar Shed , Chandmary lamah leiminna hmun DC Office panna, hmunah te lirthei tlan tur hi dan ni se tiin ruahmanna duan chhin a ni a. No Vehicle Day- hi November ni 19 ah puan ni se tiin, zing dar 11:00 AM atanga tlai lam dar 2:00 PM thleng huam se an ti a. Hemi tur hian Lawngtlai SP - kaihhruaiin a veng neitu VC, CYLA, Transport Officer, LADC- ten zirchianna hi lo nei se an ti a ni.

Vawiin thutkhawmah hian Superintendent of Police (SP),  Commandant, 3rd IR Battalion, Thingkah, SDC, General Secretary, CYLA, President, MHIP Sub- Headquarters, Lawngtlai leh General Secretary LWA, Headquarters, Lawngtlai te an tel thei a. Pu. Donny Lalruatsanga chuan lawmthu sawina neiin hun a khar.