2620/2025-2026

Dated Lawngtlai,6th November 2025 : Vawiin khan kumin Krismas leh Kum thar vuakveta mipuiten ralmuang leh him zawka hunpui an hman theih nan puak thei thil Halpuah, Halmawi leh a kaihhnawih chi hrang hrang khapna siam leh a kenkawh dan tur relin DC Conference Hall-ah thutkhawmna neih a ni a. Pu Donny Lalruatsanga, Lawngtlai Bawrhsap chuan thutkhawm hi a kaihruai.

Pu Donny Lalruatsanga chuan kalkhawmte hnena lawmthu sawina a nei hmasa a. Krismas leh Kum thar vuakvetah Halpuah leh a kaihhnawih hal lo turin sawrkarin thuchhuah a siam thin a; heihi mipui vangtlang him zawkna tur a nih angin, tha tak a zawm turin mipuite a ngen a.A bik takin sumdawngte chu halpuah leh halmawi zuar/hralh lo tur a chahin, sawrkar thupek zawm ngei ngei turin a chah a. Bawrhsap chuan Kohhran leh Tlawmngai pawl hrang hrangte thawhpuina leh tawiawmna tha a ngenin, za len taka Krismas leh Kum thar hmang turin mipuite duhsakna a hlan nghal bawk.

Thutkhawmah hian thu pawimawh tak tak rel a ni a. Mipuiten zalen taka mamawh lei a an bazar theih nan No Vehicle Day - siam ni se an ti a. Hemi atan hian Lawngtlai - III lamah Mizoram Rural Bank, Chandmary lawmah DC Office panna leiminna hmun, Council Veng lamah Bazar Shed leh Lawngtlai Vengpui lamah Patea Dawr kawtah te motor hi dan ni se an ti a. No Vehicle Day- hi ni 19 December ah neih ni se, zing dar 10: 00 AM atanga tlai dar 3: 00 PM thleng hman ni se an ti a. Hemi ni a Traffic Police puih turin YLA Bazar Branch - ah ngenna siam ni se tih a ni. No Tolerance Day - hman ni se tih a ni a, Superintendent of Police kutah a hun leh a ni tur dah a ni.

Krismas puala kawn chei chu tha an tih thu tarlangin, hemi atan hian veng tin ten mahni remchan dan ang angin lo chei se tih a ni a. Kumin bikah inthlanpui neih a nih angin, in elna erawh siam ni lo se, a thei apiang veng ten lo chei se tih a ni.

Krismas leh kum thar vuakveta dan leh thupek kenkawh kawng sawiho a ni a. Pu PC Lalchunglura Sr Superintendent of Police chuan hunpui laia Police duty - tur te ruatfel tawh a nih thu a tarlang a. Thutkhawm chuan hunpui vuak veta buaina siam, zu leh  damdawi rui leh midangte tana harsatna siam te chungah na taka hremna pek ni se an ti bawk a ni.