4345/2023-2024

2024 Vau thla ni 26: Vawin khan Krishi Vigyan Kendra (KVK), Lawngtlai chuan KVK Complex, Chawnhuah Natural Farming programme hnuaiah mega workshop/seminar cum exhibition an buatsaih a. Natural farming chungchang zir hona leh inzirtirna hun hman a ni.

He hun hi Central Young Lai Association (CYLA) President Pu HC Vanlalruatpuia chuan khuallian niin a hmanpui a. Exhibition chu hawngin, KVK leh a hnuaia kut hna thawktute'n an thil thar chhuah leh siam chhuah an phote chu a tlawh kual a. KVK Lawngtlaiin "Natural Farming chanchin kimchang" tih technical bulletin an buatsaih chu tlangzarhin, lo neitute fuihna thu a sawi bawk.

Technical session hi KVK Lawngtlaia Senior Scientist & Head Dr C. Lalfakawma chuan kaihruaiin, hun hman chhan a sawi fiah a. Pi Vanlalmalsawmi Sailo, Subject Matter Specialist (Soil Science) leh Programme Co-ordinator (Natural Farming Project) chuan lo neitu kal khawmte hnenah zirtirna a pe a. Lawngtlai District-a line department hrang hrang hotute pawhin thu an sawi bawk.

He hunah hian exhibition buatsaih a nih bakah, a thlawna ran damlo entirna, animal free clinic buatsaih a ni bawk.