No.2969/2021-2022

Sahmulphah thla ni 12, 2021: Lawngtlai District chhunga Lai Autonomous District Council (LADC) hnuaia village council pali leh Chakma Autonomous District Council (CADC) hnuaia village council paruka by-election buatsaih tura hman tur draft electoral roll chu vawiin khan Lawngtlai District Election Officer (DEO), Lawngtlai Bawrhsap Dr Andrew H. Vanlaldika chuan a office chamber-ah a tlangzarh a. Draft roll hi political party ai awhte hnenah a hlan nghal.

He hunah hian Election Officer Pi B. Malsawmtluangi bakah, political party leh tlawmngai pawl ai awhte leh by-election neihna tur khuaa village level officer (VLO)-te an tel a. By-election atana inbuatsaihna kalpui dan tur leh thil pawimawhte sawi ho nghal a ni.

LADC hnuaia 3-Mualbu L, 40-Darnamtlang, 86-Lungpher South leh 91-Vawmbuk-II VC-ahte general seat pakhat theuh hnawh khah tur a awm a. Draft roll atanga a lan danin, Mualbu L-ah voter 246 (mipa 131 & hmeichhia 115), Darnamtlangah voter 219 (mipa 114 & hmeichhia 105), Lungpher South-ah voter 1,101 (mipa 535 & hmeichhia 566) leh Vawmbuk-II-ah voter 270 (mipa 140 & hmeichhia 130) an awm a ni.

CADC hnuaia 58-New Jognasury-I leh 72-Sumuksora VC-ahte general seat pakhat ve ve, 37-Ajasora-II leh 80-Parva-IV VC-ahte general seat panga ve ve leh reserved seat pakhat ve ve, 4-Borapansury-II VC-ah general seat paruk leh reserved seat pakhat, 84-Kamalanagar-V VC-ah general seat pahnih leh reserved seat pakhat hnawh khah tur a awm a. Draft roll atanga a lan danin, Borapansury-II-ah voter 1,121 (mipa 563 & hmeichhia 558), Ajasora-II-ah voter 372 (mipa 185 & hmeichhia 187), New Jognasury-I-ah voter 713 (mipa 353 & hmeichhia 360), Sumuksora-ah voter 127 (mipa 62 & hmeichhia 65), Parva-IV-ah voter 367 (mipa 198 & hmeichhia 169) leh Kamalanagar-V-ah voter 315 (mipa 154 & hmeichhia 161) an awm a ni.

He'ng VC by-election neihna turahte hian siam that duh nei tan November ni 13 - 15, 2021 chhung hun hawn a ni a. November ni 18, 2021-ah final electoral roll chu tar chhuah tura ruahman a ni.