No.1434/2021-2022 

Lawngtlai, Vawkhniahzawn thla ni 16, 2021: Sawrkar laipuiin India Hmarchhaka hmun kilkhawr leh hnam tlem zawkte tana North-Eastern Council (NEC) budget pumpui atanga 30% a dah hran atanga kum 2021-22 atana Lawngtlai District chhunga Lai hnam (Lai community) te hmasawn nana sum lo kal hman dan tur ngaihtuahin vawiin khan Lawngtlai District Level Committee chu an Chairman, Lawngtlai Bawrhsap Dr Andrew H. Vanlaldika hovin a pisaah an thu khawm.

District Level Committee-ah hian Chairman-ah Bawrhsap niin, DRDA Project Director chu Member Secretary a ni a. Member-te chu: Planning & Development Officer, LADC; District AH & Veterinary Officer; Sr Assistant Engineer, LADC; District Council Veterinary Officer, LADC; District Information & Public Relations Officer leh President, CYLA te an ni.

Vawiin hian kum 2021-22 atana sum lo kal, Rs 5,00,00,000/- (cheng nuai za nga) hman dan tur sawi ho niin, heti ang hian sem sawm a ni:

1. Rural Housing sector - Rs 130.00 lakhs

2. Livelihood sector:
a) Piggery - ₹ 100.00 lakhs
b) Goat rearing - Rs 50.00 lakhs
c) Fisheries - Rs 30.00 lakhs
d) Flower Nursery - Rs 10.00 lakhs
e) Cold storage building & transformers - Rs 80.00 lakhs

3. School Education sector - Rs 50.00 lakhs

4. Sports sector:
a) District Volleyball Court & Pavillion at Chawnhu - Rs 25.00 lakhs
b) District Basketball Court - Rs 15.00 lakhs
c) District Rifle Shooting Range & Equipment/Gallery - Rs 10.00 lakhs

He'ng hna thawh tur ruahmante hi Detailed Project Report (DPR) siamin, July ni 23, 2021 hmain NEC-ah theh luh tur a ni a. DRDA Project Director hovin DPR hi siam mek a ni.