2933/2025-2026

Lawngtlai, 15th January 2026: NDMA, Mizoram SDMA leh District tina DDMA-in Mizoram pum huap Lirnghing thlen thulha chet lak dan nunchan zirtirna a huaihawt chu vawiin chaw hma dar 10: 00 AM khan Lawngtlaiah pawh neih a ni.

7.1 Magnitude - a na Lirnging hian Lawngtlai Chandmary leh Bazar inrinaah in ti chimin, bus Accident -a thlen a, chhanchhuah hna thawh nghal a ni . District Emergency Operation Centre (DEOC) atangin Lawngtlai Bawrhsap leh Official dangten biakhmuhtheihna kaltlangin hun hman hi an vil a ni.

Zing dar 10: 00 AM ah lirnghing vanga In a chim leh bus accident a thlen thu DEOC ah report pek a ni a. Pu Donny Lalruatsanga, Chairman, DDMA in chhiatna a thlen thu a dawn rualin IRS a activate nghalin, Siren tih rik nghal a ni. DO chu equipment tul ang angte endik turin thu a pe ngha a. CEO, DM& R in line department zawng zawngte DC Office pan nghal turin a hriattir a, SDRF - te chu DEOC pan tura hriattirna niin, Police leh Traffic lam te pawh chhiatna thlennna hmun pan tura hriattirna pek nghal an ni. VC leh YLA te nen theih ang angin an thawkho nghal a ni.

PWD leh P&ED ten chhiatna thlenna hmun pan nghal in, kawng block leh power line-Siam ngaite an siam nghal a, PHED lam ten tui mamawh tur zawng zawng an lo buaipui nghal a ni. QRT - ten chhiatna thlenna hmun thlengin, hliam 20 an awm thu leh chhanchhuah hna thawk turin SDRF leh team dang an mamawh thu CEO an hrilh nghal a, SDRF ten chhiatna thlenna hmun an pan ve nghal a ni. Operation Commander, 3rd IR Battalion Thingkah kaihruainain 'Search & Rescue Operation ' tan nghal a ni. SDRF ten Bus Accident biapuiin, QRT - ten in chim an buaipui nghal a ni.

Hliam tuarte chu Medical Aid Post ah zawn phei nghal zel niin, Medical Team ten First Aid / TRIAGE an lo ti nghal zel a. Hliam na zual Pali zingah pahnih chu a hmunah thiin, Police - ten ' Inquest ' an ti nghal a, hliam tuar na zual pahnihte chu Ambulance - in District Hospital - ah phurh nghal an ni. Operation zawhfel a nih hnuin Operation Commander in Incident Commander a hriat tir nghal a. Incident Commander - in Operation zawhfel a nih thu Chairman, DDMA- a hrilh a, Chairman, DDMA- chuan Operarion a khar nghal a ni.

Tlai dar 5: 00 PM ah ' Mock Exercise ' hi DC Office kawtzawlah neih leh a ni a. Hetah hian chawhma lama lo tih tawh angin, Exercise kalpui leh a ni a. Dar 6: 40 PM ah Video Conference  kal tlanga 'Debriefing Session ' DC Conference Hall- ah neih nghal niin, Head of line department, Obervers leh Official- te an tel a ni.