641/2024-2025

2024 Nikir thla ni 2: Lok Sabha Inthlanpui, 2024-a Lawngtlai District chhunga assembly bial pathuma vote tlate chhiar tura ruat, counting supervisor leh counting assistant-te leh vote chhiar vil tura ruat, micro observer-te chan tur assembly segment thliar fel thawh hnihna (2nd randomisation) chu vawiin tlai dar 5:00 khan Lawngtlai District Election Officer Pu Cheemala Siva Gopal Reddy leh Counting Observer Pu Manjunath CN te hovin Lawngtlai NIC Conference Hall-ah buatsaih a ni.

Lawngtlai District-a Lok Sabha Inthlanpui 2024-a vote tlate chhiar nan Government Lawngtlai College-ah counting hall pathum ruahman niin, 36-Tuichawng leh 37-Lawngtlai West counting hall-ah vote chhiarna dawhkan 14 ve ve leh 38-Lawngtlai East counting hall-ah vote chhiarna dawhkan 11 hun a ni dawn a. Dawhkan tinah counting supervisor, counting assistant leh micro observer pakhat ṭheuh mamawh niin, he hunah hian a taka duty tur bakah thlaveng (reserve)-a awm tur bial tin tan pathum ṭheuh daih leh an awmna tur assembly bial thliar fel a ni a. 3rd & final randomisation chu June ni 4, 2024 (Thawhlehni) zing dar 5:00-ah buatsaih a ni ang.

Lok Sabha Inthlanpui 2024-a Lawngtlai District chhunga assembly bial pathuma vote tlate hi June ni 4, 2024 (Thawhlehni) zing dar 8:00 aṭangin Government Lawngtlai College-a counting hall pathumah chhiar tura ruahman a ni a. Vote chhiar tur hian Lawngtlai District Election Office chuan inpuahchahna hrang hrang kalpuiin, an inpeih fel thawkhat tawh a ni.