4880/2024-2025

Lawngtlai, 28th March 2025 : Vawiin khan Mizoram sawrkar hnuaia Scheme pawimawh tak  Bana Kaih ( Handholding) hnuaia Lawngtlai District chhunga Progress Partners- te puala training chu DC Conference Hall- ah buatsaih a ni a. Pi Margaret J. Vanlalremmawii, SDO (S) leh Nodal Officer,Bana Kaih (Handholding) Scheme, Lawngtlai ni bawk chuan  training hawnna hi a nei.

Pi Margaret J. Vanlalremmawii, chuan progress partners-  te chu sawrkarin uluk taka a thlanchhuahte an nihna hre reng tura chahin, tha taka training nei turin a sawm a. Training paltlang lote tan loan a lak theih dawn loh tih tarlangin, techinical training-  neih leh turah pawh tel kim vek turin a chah a ni. SDO (S) chuan  progress partnerts- te chu sawrkarin tanpuina a pek (beneficiaries) an nih ngawt  loh thu leh hmasawnna kawnga sawrkarin a thawhpuite an nih zawk thu  sawiin, hmabaka tih tur  awm ang angte pawh tha taka hlen thin turin a fuih.

Pi Margaret J. Vanlalremmawii chuan Bana Kaih thil tum tlangpui leh a huamte, progress partners chungchang bakah 'Entrepreneurship Development Programme'  tih thupui hmangin zirtirna a pe a. Dr. Saithantluangi Zote, SDC, chuan  'Accounting, Book keeping leh Day book'  chungchang  inzirtirna leh inhrilhfiahna hun a hmang a. SBI, MRB leh MCAB Official- te hnen atangin, Banking, Loan details and process leh Loan Scheme - chungchang inzirtirna hun hman a ni bawk.

Vawiin Progress Partners- te puala 'Training'  neihah hian sawrkar  line department leh progress partners - te an telkim tha hle a. Pi Margaret J. Vanlalremmawii, SDO (S) chuan Trainee-  te hnena Certificate - hlanna a nei nghal a ni.