1547/2025-2026

Lawngtlai, 7th August 2025: Vawiin khan Lawngtlaia Mizoram Civil Services ( Combined Competitive) Preliminary Examination, 2025 neih tur chungchangah DC Conference Hall- ah Briefing neih a ni a. Dr. Saithantluangi Zote, SDC chuan a kaihruai.

Dr. Saithantluangi Zote, chuan kalkhawmte hnena lawmthu sawina a nei a. Exam fel fai leh thianghlim taka neih a nih theih nan invigilators leh Security duty - te an pawimawh hle tiin, theihtawp chhuah turin a chah a. Exam tluang taka kalpui turin mawhphurhna an neih ang angte hrechianga tura chahin, Lawngtlai atanga candidates - te duhsakna a hlan nghal bawk.

Thutkhawmah hian MPSC in exam neih tur atan a guidelines-  a siam hrang hrangte bakah  Invigilators leh Police duty- turte mawhphurhna, hriat tur leh tih tur pawimawh tak takte sawihona hun neih a ni a. 'Briefing' neihnaah hian invigilators leh Security duty turte an tel kim tha hle a ni.

Mizoram Civil Services (Combined Competitive) Preliminary Examination, 2025 - ah hian Lawngtlai District atangin candidate - 57 ( PwBD- 1) an awm a. Exam Centre hi Government Region Higher Secondary School niin,  Ni 8, August, 2025 zing dar 10: 00 AM atanga tlai lam dar 4 : 00 PM thleng exam hi  neih a ni ang.