Vawiin khan Lawngtlai District Child Protection Unit (DCPU) huaihawtin Lawngtlaia BNRGSK Hall-ah Lawngtlai khawpui chhunga village level child protection committee te tan naupang humhimna lam inzirtir tharna hun (capacity building programme) buatsaih a ni.
He hun hi Lawngtlai Block Level Child Protection Committee Chairperson Pu Zoramsiama Hmar, Lawngtlai BDO ni bawk chuan a kaihruai a. Naupang humhimna dan hrang hrang leh sawrkar hma lakna te, village level child protection committee tih tur leh mawhphurhna te inzirtir thar a ni a. Lawngtlai District Child Protection Officer Pi Mary Lalremruati, Protection Officer (NIC) Pi Lalrithangi, Social Worker Pu K.Lalliantluanga leh Social Worker Pu VL Hmachhuana Khiangte te'n an zirtir a ni.
