Vawiin khan Lawngtlai District Level Committee under My Project, My NEDP - Mipui Mamawh Intawm Ruahmanna (MiMIR) chu Lawngtlai DC Conference Hall-ah DRDA Project Director Pu R. Lalremsanga MCS hovin an thu khawm a. NEDP MiMIR hnuaia project proposal lutte thlir hovin, a tha zual 10 an thlang chhuak.

MiMIR hnuaiah hian Lawngtlai District chhunga khua/veng hrang hrang atangin project proposal 44 a lut a. He'ng project-te hi MiMIR inkaihhruaina zulzuia uluk taka endik leh thlit fim a nih hnuin, a tha zual 10 thlan chhuah a ni. He'ng project neitu khua/veng te hi August ni 17 hian commitee hmaah an project presentation neiin an inel leh ang a. Chumi atang chuana a tha ber 1 thlan chhuah tur niin, hei hi state level-a endik atan District ai awh tura thawn leh a ni ang.