Mizoram sawrkar flagship programme NLUP hnuaiah vawiin khan Lawngtlai District AH & Vety Department chuan 3rd & 4th phase tanpuina vawkte 1608 an sem chhuak.

NLUP vawkte semna hun hi LADC-a Executive Member Pu C. Lalneihkhuma chuan hmanpuiin, NLUP chu Congress Party mi tan bika duan ni lovin, mi rethei, mahnia lei rem rap thei lo, a mamawh leh ti tha duh apiangte tana ruahman a ni, a ti a. Vawkte dawngtute chu sawrkar atanga tanpuina an dawnte bul tan nana hmang thei tura theih tawp chhuah turin a chah a ni.

Vawiin hian Lawngtlai District chhunga NLUP hnuaia vawk vulh thlangtu chhungkaw  623 zinga chhungkaw 536 hnenah vawkte pathum theuh sem a ni a. Cluster hrang hrang - Lawngtlai, Bualpui 'Ng', Bungtlang South, Vaseikai, Kawlchaw West leh Chawngte Cluster-ah te sem chhuah a ni.