4180/2025-2026

Lawngtlai, 28th January 2026: Vawiin chawhma dar 10:30 AM khan 'PM Vishwakarma Scheme' chungchang inhrilhhriatna DC Conference Hall- ah neih a ni a. Pu Lalhruaizela SDC chuan hun kaihruaiin Lawngtlai Bawrhsap Pu Donny Lalruatsanga chuan khuallian niin a hmanpui.

Pu Donny Lalruatsang chuan kalkhawmte chibai bukin, Awareness Programme- a kal Nodal Department, Official, Village Council, NGOs, Beneficiary leh Self Help Group- te chungah lawmthu a sawi a . PM Viswakarma Scheme-chu kutthemthiamna chawikanna tha tak a ni tiin, training, stipend, hmanrua leh bul tanna atan loan component a awm a ni, a ti. Kan thil siam chhuahte chu belhchian dawl, rintlak leh a tlo dan a zirin he scheme hmang hian eizawnna nghial nghet leh tlo neih theih a nih thu a tarlang a ni. Bawrhsap chuan he scheme chhawr tangkai a nih theih nan mipui in an hriat zau zel a pawimawh a, Awareness - pawh kan neih tam a ngai hle a ni a ti bawk. Beneficiary te chauh nilo mipuite pawhin an chhawr tangkai theih tur scheme a nih angin, he scheme hmang hian mimal, chhuangkua leh State kan intodelh zel theih nan chhawr tangkai theuh turin a chah nghal bawk.

Pu JM Soren, Lead Bank Lawngtlai, Pu Reuben T. Kompa, Director, District Employment Exchange, Siaha, Pi Biakchungningi, DIC, Lawngtlai leh Pu NC Muankima, Domain Expert - te pawhin thusawina neiin, mithiamte hnen atangin Training - na hun neih nghal a ni.