Ram chhung hmun dang rualin vawiin khan Lawngtlai Police te chuan Superintendent of Police (SP) Pu Amit Goel, IPS hovin Lawngtlai Police Station-ah 'Police Commemoration Day 2019' an hmang a, September ni 1, 2018 leh August ni 31, 2019 inkara an duty laia nunna chan police-te sunna hun hmangin, anmahni zahna chibai an buk.

He kum khat chhung hian India ram pumah an duty laia nunna chan police mi 292 an awm a, chu'ng zingah chuan CRPF mi nunna chan tam berin, mi 67 an awm a. Jammu & Kashmir chu nunna chan tamna ber state niin, mi 24 an thi a. Vanneihthlak takin Mizoram chhungah erawh thi an awm lo.

Police Commemoration Day hi kum 1959 October ni 21-a Ladakh Hot Spring hmuna China sipai kuta martar police 10 te hriat reng nan kum 1960 atang khan kum tin October ni 21-ah hman thin niin, police martarte zahna chibai buk an ni thin.

Tun dinhmunah hian Lawngtlai District chhungah police 142 an awm mek a ni.