39/2022-2023

Lawngtlai Ṭau thla ni 4, 2022: March ni 21 leh April ni 4, 2022 inkar chhunga Poshan Pakhwada hman chu Lawngtlai District Programme Office leh Lawngtlai ICDS Project tang kawp huaihawtin nimn khan Lawngtlai BDO BNRGSK Hall-ah a kharna hun hman a ni.

He hun hi ECCE award Lawngtlai Child Development Project Officer (CDPO) Pi Lalnuntluangi chuan kaihruaiin, Lai Women Association (LWA) General Headquarters President Pi H. Vanlalhruaii'n hunserh a hmang a. Advocate pahnih - Pi Zirthantluangi leh Pi B. Lalhlimpuii te'n kal khawmte hnenah hmeichhe humhalhna dan hrang hrang (laws related to women) an zirtir a. District Coordinator (Poshan Abhiyaan) Pi PL Vanlaltluangi hnen aṭangin Poshan Pakhwada chungchang ngaihthlak a ni a, Lawngtlai District VC Association President Pu V. Lalramnghaka'n lawmman dawngtute hnenah ECCE Award a hlan bawk.

Poshan Pakhwada hi India ramah kum tin March thla chawhnu lamah chawlhkar hnih awha hman ṭhin niin, nu leh naupang hriselna atana pawimawh hrang hrang - chaw ṭha (nutrition) pawimawhna leh nu hnute tui pawimawhna te, faina leh tui thianghlim in pawimawhna inzirtirna hun atan te hman ṭhin a ni.

Attachment

  • Loading attachment...