Vawiin khan Member of Parliament (Lok Sabha) Inthlanpui 2019 lo awm tura Lawngtlai District chhunga polling station 165-a Presiding Officer (PRO) leh Asst Presiding Officer (APO) tura ruatte tan Lawngtlaia Don Bosco School-ah training buatsaih a ni.

He hunah hian PRO leh APO tura ruatte an kal ?ha hle a. Polling official-te tih tur leh mawhphurhna hrang hrang bakah, EVM hman dan leh enkawl dan (EVM hands on training) te zir ho a ni a. Polling official-te hi hmun rukah in?hen darhin, District Level Master Trainer-te - Pi Carolyn LB Khiangte MCS, Pu Lalneihthanga Colney MCS, Pu Lalsanglura MCS, Pu Alex Lalzawmpuia (LADC), Pu Collins Ngurnunchunga (LADC) leh Pu Jonathan Lalrinliana (KVK) te'n training hi an pe a. Sawi hona leh zawhna leh chhanna hun hman nghal a ni bawk.

Lawngtlai District-ah hian polling station 165 awmin, he’ngah hian polling official pali zel - presiding officer bakah, 1st, 2nd & 3rd polling officer-te an duty dawn a. Polling official mi 660 leh reserve mi 168 an awm dawn a ni. Polling station 165 a?ang hian hmeichhia chauh duty-na tur polling station pariat (8) siam a ni a; chu'ngte chu 37-Lawngtlai West assembly constituency hnuaia mi vek niin, Saikah ‘U’, Saikah ‘L’, Chawntlangpui, Sihtlangpui, Kawlchaw ‘W’, Paithar, R. Vanhne leh Rulkual polling station-te an ni.

Naktuk hian 2nd & 3rd Polling Officer-te tan training buatsaih ve leh a ni ang.