2705/2026-2027

Lawngtlai, 16th October 2026 : Vawiin khan Deputy Commissioner's Office Lawngtlai bultumin PM DA-JGUA (Pradhan Mantri Dharti Aaba Janjatiya Gram Utkarsh Abhiyan) hnuaia 'Seva Sankalp Abhiyan 2026' hawnna inkhawm DC Office tualzawlah neih a ni a. Pu Collin Hlychho, SDO (S) chuan hmanpuiin a hawng.

Pu Collin Hlychho chuan kalkhawmte chibai bukin hlawk taka mipuiten an chhawr theih tura lawm taka 'Seva Sankalp Abhiyan 2026' a hawn thu a sawi a. Sawrkarlaipui  hmalakna pawimawh tak pakhat, mipuiten awlsam zawka sawrkar department hrang hrangte an dawr theihna tur a ni a, mipuiten an chhawr tangkai dawn hle a ni, a ti. SDO (S) chuan department hrang hrangte chu mipuite tana rawngbawl an nihna hriaa, mipuite mamawh leh harsatna chinfel kawngah theihtawp chhuah turin a sawm nghal bawk.

Seva Sankalp Abhiyan 2026- pual hian  mipuiten awlsam zawk a Office an dawr theih nan a hnua department - te hi an thu a ni.

1.  Food Civil Supplies & Consumer Affairs: Ration Card leh tul dangte

2. CMO : MUHCS leh tul dangte

3. Lead Bank: Bank Account hawn leh a dangte

4. Agriculture Department: PM- Kisan Samman Nidhi  leh a dangte

5. DC Office : Aadhaar leh Pancard- A thar siam leh update