2239/2026-2027 

Lawngtlai, the 16th September, 2026: Vawiin chawhma dar 11:00 AM khan DC Conference Hall- ah Bawrhsap Pu Donny Lalruatsanga kaihhruaiin 'Solid Waste Management (SWM) Rules, 2026 'Ban on Single Use Plastic (SUP)', 'Mizoram Cleanliness Competition 2026' leh 'Swachhata Hi Seva Campaign' chungchangah thutkhawmna neih a ni.

Pu Donny Lalruatsanga chuan kalkhawmte hnenah lawmthu a sawi a. Solid Waste Management Rules 2026 leh Plastic Waste Management Rules 2016 chungchanga Supreme Court thuchhuah bawhzuia hmalak mek zel a nih thu sawiin, Supreme Court Order 5/5/2026- a chhuakin October, 2026 hmain khawpui chhunga cheng 30% leh Thingtlanga cheng 15% te 'Ward Practicing 4 way Source Segregation' a taka ihlawhtling tura a phut anga hmalak a ni, a ti a. Lawngtlai khawpui chhunga Veng Pathum leh Lawngtlai, Bungtlang South, leh Sangau RD Block - a khaw - 26 leh Chawngte RD Block - a Kamalanagar -I,II,III & IV - ah te theih ang anga kalpui mek niin, chhunzawm zel a ni ang a ti. Bawrhsap chuan August thla atang khan 'Awareness Campaign' bakah '4 Ways Source Segregation' hi a remchan leh theih dan ang anga kalpui a nih thu a sawi bawk a ni.

Bawrhsap chuan Mizoran Cleanliness Competition, 2025 ah Lawngtlai District - dinhmun a chhuanawm loh hle a, khawpui failo ber dawttu a ni a,hetiang reng a awm a tha lo tiin hmalam pan a ngaij thu a sawi a. Hemi atang hian hmalakna pathum - Stand Up Lawngtlai, CEM Cleanliness Competition leh Bawrhsap Award - kalpui mek a ni, a ti. Awareness pawh theih kk pp o8 mm ll ll ang ang a kalpui mek niin, Mizoram Cleanliness Competition, 2026 ah Lawngtlai District chuan sang taka thlen a besei awm tih a sawi. Bawhrsap chuan District dangte nen a khaikhinin Lawngtlai district chu zauiin khua pawh a tam em em a, hemi avang hian tan zual a ngai a ni, a ti. Pu Donny Lalruatsanga chuan Faina leh thianghlimna kawngah rahbi thar kai a ngai a, rilru put hmang pawh thlak a ngai tiin, faina kawnga theihtawp chhuahpui turin Lawngtlai Distrtic - mipuite a sawm a ni.

Thutkhawmah hian Solid Waste Management ², 2026 bikah '4 ways Source Segregation' tihlawhtling turin Khawpui chhunng leh pawna khaw tlan bikte leh -Office, Zirna In, NGOs & VCs Office - ah te hmalak tura tih anih angin karleh atanga endikna neih
ni se tih a ni a. Single Use Plastic (SUP) -hmang lo turin Office - tin ten intiam ni se tih niin, Zirna In, NGOs & Village Council Office, Kohhran Biak In, Khawmpui lianah te SUP hmang lo tura ngen leh hriattir ni se tih a ni bawk.

Lawngtlai District - ah Faina kawnga hma sawn theih nan a Stand Up Lawngtlai, CEM, LADC Cleanliness Competition leh Bawrhsap Award- kalpui mek chu
Mizoram Cleanliness Competition, 2026 inbuatsaihna atan atangkai dawn hle tih an pawm tlang a. Lawngtlai khawchhunga Retaining Wall - te tihfai a, chei that ni se, hemi atan hian Lawngtlaia Sorkar Department ten convergence atan Retaining wall - ah department hmalakna leh mipui hriattur pawimawh tarlanna (Wall Painting) siam thin ni se tih a ni bawka ni.

Pu Collin Hlychho ,Ddistrict Project Officer, UD&PA chuan Swachhata Hi Seva (SHS) Campaign, 2026 chu 17th September - 2nd October, 2026 chhunga kalpui tur anih thu sawiin, SHS Campaign hawnna hi Ni 17th September, 2026 chashma dar 11:00AM ah DC Office tual a neih tur a ni, a ti a. 'Swachhata Hi Seva Campaign' hi- Promotion of RRR, Wall Painting/ Thematic Art Competitions, Transformation of Cleanliness Target Units & Clean Public Places, Jan Bhaagidari Advocay Drive (Public Participation, Awareness Campaign), Sports for Swachhata & Post- Event Cleanliness, Swachhata Se Samriddhi (Prosperity through Cleanliness), Safai Mitra Suraksha Seva Evam Samman Shivir (Sensitization Workers Safety, Service and Honour Camp), Ek Din, Ek Ghanta, Ek Saath (One day, One Hour, Together) leh Swachhata Bharat Diwas (Clean India Day) hmangin September ni 17 atanga October ni 2 chhung kalpui tura tih a ni a. Hemi hun chhung hian Mizoram leh LADC hnuaia sawrkar department hrang hrang; Zirna In, NGO, Village leh Commercial Vehicle Association, Lawngtlai te chuan anmahni huang chhungah theuh faina beihpui hi an kalpui dawn a ni.

Thutkhawm ah hian Head of Department te an tel tha hle a, Bawrhsap chuan lawmthu sawiin thutkhawm hi a khar.