4401/2025-2026

Lawngtlai, 11th December 2026: Vawiin khan District Election Officer Pu Donny Lalruatsanga kaihruaiin a Office Chamber-ah 'Sepcial Intensive Revision of Electoral Roll 2026' neih a ni.

Pu Donny Lalruatsanga chuan kalkhawmte hnena lawmthu sawina a nei hmasa a. Special intensive Revision- a nih angin 'voters mapping' mumal taka kalpui tur a ni, a ti. Electoral Roll- siam chu thil pawimawh leh fimkhur ngai tak a nih thu sawiin, Political Party leh NGO- te nen thawhhona tha tak a awm a tul hle a ni, a ti a. India khua leh tui dik tak chauhin vote an nei thei tih tarlangin, diklo taka vote neite paih bakah vote nei thar te electoral roll- a thun a nih tur thu a tarlang. DEO chuan India khua leh tui dik tak chauh E/Roll- a an chuan theih nan a theihtawp chhuahpui turin BLO leh kalkhawmte a sawm nghal bawk.

Pu Collin Hlychho, Election Officer, chuan Power Point Presentation -hmangin 'Sepcial Intensive Revision' nih phung leh kalpui a nih dan tur kimchang sawifiahna a nei a ni.

Vawiin hun hmannaah hian ERO, AERO, Political Party aiawh, NGO- aiawh leh MJA Lawngtlai te an tel thei a, Pu Donny Lalruatsanga chuan lawmthu sawina neiin hun a khar.