1015/2025-2026

Lawngtlai, 1st July  2025 : Vawiin chawhnu  khan 'Jan Suraksha Schemes' thla thum chhung atana 'Saturation Campaign' kalpui tur hawnna DC Conference Hall - ah neih a ni a. Pu Cheemala Siva Gopal Reddy, IAS, District bawrhsap chuan 'Saturation Campaign' hawnna hi a nei.

Pu Cheemala Siva Gopal Reddy chuan DLCC member lokal khawmte chunga lawmthu sawina a nei hmasa a. Lawngtlai district chhunga 'Jan Suraksha Schemes'  tha taka kalpui turin bank- te an pawimawh hle tih tarlangin, theihtawp chhuah turin a chah a.Mizoram pum huap ang pawhin Financial Literacy Rate- a sang lo hle ni a ahriat thu tarlangin, mitinin Jan Suraksha Schemes (Social Security Scheme) thatna an hriatthiamna turin Financial Literacy Campaign (FLC) lamah pawh chak zawka hmalak zel a tul thu a sawi. Bawrhsap chuan Jan Suraksha Campaign- chu thla thum chhung ngawrh taka kalpui tura tih a nih ang takin, he hun chhung hian DLCC member, a bik takin Lawngtlai district chhunga Bank awmte theihtawp chhuah tur leh mipuite tana thahnem ngai taka campaign kalpui turin a sawm nghal bawk. 

Pu Joseph M Soren, Lead District Manager (LDM), Lead Bank Office, leh Lawngtlai District- a Nodal Officer nibawk chuan thla thum chhunnga 'Jan Suraksha Campaign'  kalpui a nih dan tur tlangpui leh Bank hrang hrangte mawhphurhna sawifiahna a nei a. Jan Suraksha Schemes - puala Saturated Campaign chu ni  July ni 1, 2025 atanga September ni 30, 2025 chhung kalpui tur niin ; Lawngtlai District -a Gram Panchayat - 185 ah Jan Suraksha Campaign neih tura ruahmanna siam a nih thu tarlangin, Bank ten Campaign an neih tur hmun leh nei hun tur siamfel thuai a ni ang a ti. Pu Joseph M Soren chuan Jan Suraksha Campaign kalpui chhungin bank- te chu vawi khat tal campaign nei ngei ngei tura chahin, report kim chang tak Lead District Manager (LDM) hnena theh lut turin chah nghal bawk.

Jan Suraksah Schemes - hi Social Security Schemes niin ni 9, May 2015 atang khan sawrkarlaipuia Ministry of Finance hnuaiah kalpui tan a ni a. He Scheme hnuaiah hian Micro - Insurance Schemes pahnih,  Pradhan Mantri Jeevan Jyoti Bima Yojana (PMJJBY) leh Pradhan Mantri Suraksha Bima Yojana (PMSBY) a awm a ni. PMJJBY- hi Life Insurance Scheme a ni a,  Annual premium - Rs. 436 niin, eng vang pawh  thihna a thlenin cheng nuai hnih claim theih a ni. PMSBY- hi Accidental Insurance Scheme niin, Annual premium - Rs. 20 a ni a, accident vanga thihna emaw 'Full disability'  a thlenin cheng nuai hnih claim theih niin, 'Partial disability' ah chuan cheng nuai khat thleng claim theih a ni.

Thla thum chhung 'Jan Suraksah Schemes' kalpui turah hian  Pradhan Mantri Jeevan Jyoti Bima Yojana (PMJJBY),  Pradhan Mantri Suraksha Bima Yojana (PMSBY), Pradhan Mantri Jan Dhan Yojna (PMJDY), Atal Pension Yojana (APY), KYC leh Awreness Session on Digital Fraud Prevention and Unclaimed Deposits-  chungchangahte zirtirna pek a ni ang.

Vawiin hun hmannaah hian  District Level Consultative Committee (DLCC) Member leh LADC aiawh te an tel thei  a, Pu Joseph M Soren, Lead District Manager (LDM), Lead Bank Office, leh Lawngtlai District- a Nodal Officer nibawk chuan lawmthu sawina neiin hun a khar.