576/2025-2026

Lawngtlai, 26th May 2025 : Vawiin khan Lawngtlai District-a Vikshit Krishi Sankalp Abhiyan (Pre- Kharif Campaign) hman dan tur rela thutkhawmna DC Conference Hall-ah neih a ni a. Dr. Saithantluangi Zote, SDC, chuan thutkhawm hi a kaihruai.

Dr. Saithantluangi Zote, chuan kalkhawmte hnena lawmthu sawina neiin, Vikshit Krishi Sankalp Abhiyan hlawhtling taka kalpui turin theihtawp chhuah a tul hle a ti a. Lo neituten an tangkaipui tur leh hmasawnna thlentu a nih dawn avangin, he campaign hi uluk taka kalpui turin line department-te a chah a. Dr. Saithantluangi Zote, chuan India ram pum huapa hun hman tur  anih dawn avangin Lawngtlai District- ah pawh tha leh hlawk taka hman a nih tur thu tarlang bawk.

Thutkhawmah hian Vikshit Krishi Sankalp Abhiyan (VKSA) kalpui dan tur kawng hrang hrang sawiho a ni a. Campaign hawnna hi ni 29 May, 2025 ah neih tur niin, Khuallian atan Addl. DC chu ruat a ni a. VKSA Campaign kalpui tur hian  Team Pathum siam niin, an ni hian Lawngtlai District- a khua 108 ah campaign hi an nei dawn a ni. Team Pathum te hian Lawngtlai RD Block, Sangau RD Block leh Bungtlang 'S' RD block- a lo neitute hnenah kalin campaign hi an nei dawn a, Lo neitu hming leh an chenna khaw  hming bakah thlalak leh video- te chu portal ah an upload thin dawn a ni.

Vikshit Krishi Sankalp Abhiyan (Pre- Kharif Campaign) hi India ram pumah ni 29th May- 12th June 2025 chhung kalpui tur a ni a. Campaign kalpui chhung hian  Agriculture leh allied Department tena technology tha  leh changtlung tak tak an neihte chu an puangzar  bawk ang.

Vawiin thutkhawmah hian Krishi Vigyan Kendgra (KVK), Agriculture Technology Management Agency (ATMA), Horticulture Department, Agriculture Department leh Animal Husbandry & Veterinary Department aiawhte an tel thei a ni.