Nimin (5.12.16) World Soil Day kha Lawngtlaiah chuan District Agriculture Office Conference Hall-ah Lai Autonomous District Council-a Agriculture changtu Executive Member Pu C.Sangchhunga hovin hman a ni.

Pu C.Sangchhunga chuan leilung humhalh lama tan lak a ngaih thu sawiin, kan ram lei tha a luang ral nasa hle tawh a, tun hmaa thlai tha tak tak thar chhuah theihna kha a lei a da viau tawh a ni, a ti a. Lawngtlai District-a lei te chu mi thiamte nen tang hova sawngbawl a nih loh chuan kut hna thawktute tan buh leh bal thar chhuah tam a har tan tawh tih sawiin, he lam hawia sawrkar hma lakna chu lawmawm a tih thu a sawi a. Mi thiamte biakrawn peih a, an kaihhruaina hnuaia hma lak chu kut hna thawktute tan hlawhtlinna bul a ni, a ti.

World Soil Day-ah hian Khuallian chuan lo neitute hnenah Soil Help Card a sem nghal a ni.