4347/2023-2024

2024 Vau thla ni 26: Kum 2024 World Water Day hmanna kal zelah vawiin khan Public Health Engineering Department (PHED), Lawngtlai WATSAN Division leh Lai Autonomous District Council (LADC) hnuaia a kaihhnawih department hrang hrang ṭang ho huaihawtin Lawngtlai Greater Water Supply Scheme tui lakna, Chhimtuipui (Tuipui Ferry bul)-a Chengpawng li leh a chhehvel tihfai hnatlang thawh a ni.

Chengpawng li tihfai hnatlang hi PHED Lawngtlaia Sub-Divisional Officer Er L. Sangromuana kaihhruainaa thawh a ni a. Hnatlangah hian LADC hnuaia official leh staff-te leh PHED Lawngtlaia thawktute, CYLA ai awhte leh DIET Lawngtlaia zirlaite thawk chhuakin, mi 110-in hnatlang hi an thawk a ni.

World Water Day hi United Nations (UN) bul tumin kum tin March ni 22-ah hman ṭhin a ni a. Kuminah pawh 'Inrem Nan Tui (Water for Peace)' tih thupuia hmangin World Water Day hi hman a ni.