4968/2025-2026

Lawngtlai, the 24th March, 2026 : Tukin zing dar 7:00 AM khan Mizoram State TB Control Society ruahmna angin Lawngtlai Areopagy ah World TB day hmanna leh 100 Days Campaign hawnna neih niin Bawrhsap Pu Donny Lalruatsanga chuan telpuii, Pu C Lalsawmzuala, CEM, LADC chu Khuallian niin a hmanpui.

Khuallian Pu C. Lalsawmzuala, CEM, LADC chuan kalkhawmte chibai bukna neiin vawiin hun hman chuan ram hruaina hnathawktu sorkar leh mipui tan rual a pawimawh zia a ti chiang hle a ni, a ti. TB chu hriselna kawng a harsatna lian tak thlentu pakhat a ni a, he ni pawimawh tak ah hian TB umbo kawngah rahbi thar a thlen a beisei tih a sawi a. TB umbo turin LADC pawhin theihtawp a chhuah reng tih tarlangin district administration nen pheikhairual taka ke pen reng a nih thu a sawi a ni. Lawngtlai district chhung atanga TB umbo turin health department kutah engkim dah vek theih a ni lo tiin, VC, NGOs leh Kohhrante nen thawhhona tha tak a awm a tul a ni, a ti.

Khuallian chuan TB chu inven leh enkawl dam theih natna pakhat a nih thu tarlangin, in enkawl hmat leh tha taka damdawi ei chu thil pawimawh hmasa a ni, a ti a. TB natna hmuhchhuah leh enkawlna kawngah duhthu sam lohna tam tak a awm a, chuti chung chuan hmalakna tur hmachhawp tam tak a awm a, Medical infrastructure- te pawh ti changtlun a ngaih thu a sawi. Thawktute inpeknaah lawmthu sawiin, Pu C. Lalsawmzuala chuan TB umbo kawngah tlawmngai pawl leh mipuite thawhpuiah a sawm nghal bawk.

Bawrhsap Pu Donny Lalruatsanga chuan TB do mekna leh hmalakna kalpuinaah hian thawhhona tha a pawimawh hle a ni, a ti a.District hmasawnna kawngah hriaselna lama hmasawn chu thil pawimawh tak a ni a, a bik takin TB umbo a nih theih nan District Administration pawhin theihtawp a chhuah reng a ni, a ti. TB vei enkawlna, ei in tha an ei theihna turah mamawh khawp sum Central leh State atang hmuh a ni lo a, a pe leh tanpuitu tur chu mipui an ni tiin, sponsorship lawmah harh thar a tul hle tih a sawi a. Bawrhsap chuan '100 Days Campaign' kalpui turah Sawrkar, NGOs,VC leh mipuite in puihtawn a tul hle tiin, thawkho turin a chah nghal a ni.

Pu James Zarzoliana, Senior Treatment Superviser chuan report pe in, nikum a 100 DAYS campaign kalpui anih hnu in Lawngtlai District ah TB vei -15 hmuh chhuah belh niin, Ei leh in that loh avanga TB vei hi a tam ber an ni a ati. India Sorkar in Kum 1960 atang National TB programme a kalpui a, Lawngtlai District ah RNTCP hi 24th March, 2003 ah kalpui tan a ni. Khawvel in 2030 ah TB Umbo turin ruahmanna a siam a, India sorkar in 2025 ah umbo a tum a, mahse a hlawhtling lo a ni a ti. Kum 2019-ah National TB Elimination Programme kalpui leh niin TB veite hnen ah thlatin tanpuina Rs.1000 pek an ni a, tunah dinhmunah mi 30 tanpuitu an awm a ni. 100 Days Campaign- Second phase kalpui a ni leh dawn a, Village zaqng zawngah screening neih vek tur a ni. TB Centre ah hian entik lai pawh in a test thei a ni. Kum 2023-ah TB vei mi 108 awmin, 108 in damna an chang a, Kum 2024-ah TB vei mi-119 awmin mi- 2 in nunna an chan a, mi- 117 in damna an chang a, Kum 2025-ah TB vei mi-162 awmin, mi- 1 in nunna a chan a, mi- 95 damna an chang a, mi-67 enkawl lai an awm a, Kum 2026-ah mi-26 damna chang an awm a ni.

Vawiin World TB Day hmanna ah hian Khuallian chuan '100 Days Campaign'  khuhhawnna a nei a, TB umbo leh enkawlna kawnga Contribution nei thate 'Certificate of Recognition'. hlanna neih niin, Pi Lalrohliri, Thingkah  TB vei damna chang in thusawina tawi a nei bawk. World TB Day hmanna hi Dr.Remlalnghaki, Dy.CMO & District. TB Officer, Lawngtlai chuan kaihhruaiin, Dr. Paul Lalchungnunga, Medical Officer, TB Control, Lawngtlai chuan lawmthu sawina a nei a ni.