No.3412/2020-2020

Dt 24.7.2020 (friday) : Legal Metrology Enforcement duty te chuan m/s V.Neihkunga Gas Agency a dah tur, Truck AS-11AC-0115 (driver: Babul Hussein Laskar s/o Jabed Ali Laskar, Owner: S.Ray , Silchar) phurlai LPG domestic cylinder bur 79 (sawmsarih pakua) chu a buk a tlin loh avangin sec 30 ofthe Legal Metrology Act 2009 dan hmangin an man. Gas hi kalkawngah khawih chingpen ngei niin a lang. Dan angin driver chungah hian hremna lek a ni anga, gas bur buk tling lo zawng hi IOC marketing guidelines angin agency in plant ah a thawn let vek anga,a man leh phurh man zawng zawng chu transporter in a chawi vek tur a ni ang.

Gas Agency te hi IOC marketing guidelines angin gas bur buk dik tak chauh mipuite hnena sem tura hriattir an ni a, hemi atan hian bukna pawh an kawl ngei tur anih angin Bukna endiksa an kawl vek a, mipuite hnena buk tling lo an pek chhuah chuan anmahni chungah hian LPG control order, Legal Metrology Act leh IOC marketing guidelines anga hrem theih an ni.