Vawiin khan Govt Mamit College Campus ah District legal Service Authority Mamit buatsaihin  Legal Service Camp, Mamit-ah neih ani a, Pi Lalbiaksangi, District Bawrhsap chuan khuallian niin a hmanpuia, Pu Vanlalenmawia, Member Secretary, MSLSA ( Mizoram State Legal Services Authority) chu khualzahawm a ni bawk.

Khuallian Pi Lalbiaksangi District Bawrhsap chuan mipui vantlang tana thawktu Sawrkar Department hrang hrang ten an hnathawh leh an thawhchhan mipui te an nih dan inhrilhriatna a vawi khat nana Mamit a buatsaih a nih theihnana hmala tute chungah lawmthu a sawi a, Mamit District chuan kawng hrang hrangah hmasawnna hmel a hmuh theihna tura thawktu Department hrang hrangte chu tan la sauh sauh turin a chah a, mipuite chu sawrkar kalphung leh kaldan ah te enge ka chanvo leh ka tih ve tur tih kan hriat a pawimawh hle a ni a ti. Mamit District chu India rama District hnufual bik tlanchhuah 115 zingah telh ve kan ni a, hemi hmanga hmalakna hrang hrang avang hian  hun reilote ah chuan District hmasawn tak kan nih ngei a beisei thu a sawi a, kalkhawm mipuite chu hlawk taka hun hmang turin a chah a ni.

Khualzahawm Pu Vanlalenmawia MJS, Member Secretary chuan Mizoram State Legal Services Authority hmalakna leh hmachhawp hrang hrangte sawina a nei bawk a ni.

Vawiin  Legal Service Camp ah hian Mamit Khawpui chhunga Department hrang hrang Chief Medical Office, District Child Protection Unit & Childline, Social Welfare Department, Power & Electricity, PHED, Police Department leh DRDA te chuan mipuite tana an hnathawh leh hmalakna te kalkhawm mipuite hrilhhriatna an nei a, heibakah hian hian Department hrang hrangte hian an hmalakna pholanna Stall mipui tlawh theih turin an hawng bawk a ni. Hengah te hian kalkhawm mipuite hian an thil hriatfiah loh leh hriatthiam lohte lo chhangtu tur Officials te kawmna  neih nghal theih a ni a, DRDA Stall ah hian MGNREGS hnuaia inhlawhna Bank Account a lut lote harsatna a hmunah hian chinfel sak an ni a bawk a ni.

Legal Service Camp 2018 hi Pi Gracy L Bawitlung, MJS, Secretary DLSA in a kaihruaia, Pu Jacob Lalawmpuia, Addl D.C Mamit chuan lawmthu sawiin hun a khar a ni. He hunah hian Mamit khawpui chhunga Sawrkar Department hrang hrang aiawh, Tlawmngai Pawl hrang hrang, khawtlang hruaitute leh mipui thahnem tak an tel a ni.