2060/2025-2026

Dated Aizawl: the 10 September 2025: Vawiin khan NALSA Veer Parivar Sahayata Yojona 2025 Scheme hnuaia kalpui Legal Service Clinic chu Sainic Welfare Office, Tuikhuahtlangah Mizoram State Legal Services Authority member-secretary, Pu Vincent Lalrokima chuan khuallian niin a hawng.

Hawnnna hunagh hian khuallian Pu Vincent Lalrokima, Member Secretary, Mizoram Legal Services Authority chuan NALSA Veer Parivar Sahayata Yojona 2025 Scheme nihphungte sawifiahin, chutiang taka scheme tangkai tak a hawng thei chu lawmawm a tih thu a sawi a. Indian Constitution Article 39-na beh chhana chu scheme chu lo piang a ni tih sawiin, Scheme chuan India ram pumpuia Sipai tanglai leh ESM te bakah an chhungte a huam thu a sawi a. Legal Service Clinic-in a tum bulpui ber chu Sipai tanglai leh ESM leh an chhungte dikna chanvo sum seng lo va humhalhsak te, chumi atana sum seng lo va Court leh Lok-Adalat ah te kalpui leh buaipui te ani a ti a. Kalkhawmte chu LSC pawimawhzia leh nih phungte midangte hnena hrilhhretu nih tum theuh turin a chah nghal a ni.

Vawiina hawn tak NALSA Veer Parivar Sahayata Yojona 2025 Scheme hnuaiah hian Kendriya Sainik Board te, India ram state tin a Rajya Sainik Board(34) te leh Zila Sainik Board (410) ah te Legal service Clinic awm theuh tur a ruahman a ni a. Chu’ng Legal Service Clinic (LSC)te chuan Legal service Authority Act 1984 hnuaia dan awmsa angin hna an thawk ang a. Heng clinic-te hian harsatna chi hrang hrang ram leh ro inchuh thu te, Chhungkaw buaina te leh Sum leh pai a inbumna ah te theihtawp chhuahin scheme-in a huamte chu an tanpui thin dawn a ni. Legal service mamawh te chuan Rajya Sainik Board emaw Zila Sainik Board emaw ah PLV hnenah in report in application an thehlut thei dawn a ni.

Vawiina hun hman hi Pi Lalhriatpuii, Secretary, District Legal Services Authority, Aizawl chuan kaihruaiin kalkhawmte lawmna thu a sawi a. Major John VL Khawlhring, District Sainic Welfare&Resettlement Officer hnen atangin thusawi ngaihthlak a ni a. Hemi hnu hian kalkhawmte atanga zawhna awm ang angte chhanna hun leh Scheme sawihona hun hman nghal a ni.