Mizoram puma District Headquarters tina hman angin nimin chawhma khan D.C.Conference Hall, Saiha-ah Dan leh hrai chungchanga mipuite zirtirna ni ‘Legal Services Day’ chu hlawhtling takin hman a ni. He ni hmanna inkhawm hi Pu Thangchem Zathang, Addl. Deputy Commissioner, Saiha District chuan a kaihruai a, Pu Rodney Lalrinawma, Dy. Commissioner, Saiha District chu khuallian a ni.
Khuallian chuan thu sawiin Saiha District-in kan mamawh em em Judicial Officer thar pahnih Pu Laldinpuia Tlau, M.J.S. leh Pi Gracy Bawitlung, MJS kan neih tak avangin lawmawm a tih thu a sawi a, mihring te hi mahni chauha khawsa thei lo, a huhova khawsa thin kan nih avangin dan leh dun te felfai taka kan zawm tlan hian nuam leh thlamuang takin kan khawsa ho theih chauh a ni, a ti a. Mitinin zalenna kan nei vek a, amaherawhchu kan zalenna kan hmang thiam tur a ni, a ti bawk. Dan kan zawm that chuan khua leh tui tha kan ni mai dawn a, Dan hnuaiah chuan milian leh mi te inthliarna awm lovin kan inang khat vek a ni, a ti bawk.
Pu Laldinpuia Tlau, MJA, Civil Judge/Judicial Magistrate chuan “Separation of Judiciaries” tih leh “Free Legal Aid” tih te thupuia hmanign a sawifiah a, Judiciary in a tum ber chu rorelna dik rang taka chinfel a ni, a ti a. India khua leh tui, Mizoram bikah chuan kum khata Rs. 50,000/- sum la lut pha lo te tan thubuai an neihin sawrkarin thubuai ngaihtuah kawngah a thlawnin a ngaihtuahsak zel thin a ni, a ti. Pu Siatha, Advocate, Saiha pawhin dan leh hrai chungchanga zirtirna “Legal Awareness” tih thupui hmangin thu a sawi bawk.
Chairman Pu Thangchem Zathang pawhin Mizoram mipuite Dan leh Hrai chungchanga kan hriat tlem zia te sawiin hemi avang hian kan chan tur ngei pawh kan hloh phah a, tul lovah kan tuar phah bawk thin a, uar lehzuala kan inzirtir zel a tul tak zet a ni, a ti.
Pu Laldinpuia Tlau, MJA, Civil Judge/Judicial Magistrate chuan “Separation of Judiciaries” tih leh “Free Legal Aid” tih te thupuia hmanign a sawifiah a, Judiciary in a tum ber chu rorelna dik rang taka chinfel a ni, a ti a. India khua leh tui, Mizoram bikah chuan kum khata Rs. 50,000/- sum la lut pha lo te tan thubuai an neihin sawrkarin thubuai ngaihtuah kawngah a thlawnin a ngaihtuahsak zel thin a ni, a ti. Pu Siatha, Advocate, Saiha pawhin dan leh hrai chungchanga zirtirna “Legal Awareness” tih thupui hmangin thu a sawi bawk.
Chairman Pu Thangchem Zathang pawhin Mizoram mipuite Dan leh Hrai chungchanga kan hriat tlem zia te sawiin hemi avang hian kan chan tur ngei pawh kan hloh phah a, tul lovah kan tuar phah bawk thin a, uar lehzuala kan inzirtir zel a tul tak zet a ni, a ti.
