Salvation Army Brig. Sapliana’n (L) ama chanchin a ziahna lehkhabu ( Autobiagraphy ) ‘Lamliam Thianghlim Zawhin’ tih vawiina Booth Mansion, SA Temple bula Col (SA) Sawichhunga, OF ina a tlangzarhna ah Chief Minister Pu Lal Thanhawla leh a nupui Pi Lal Riliani ten an hmanpui
Chief Minister chuan Brig. Sapliana tu leh fa ten hun tha tak an pe chu lawmawm a tih thu a sawi a. He huna tel ve hrim hrim a tum thu sawiin, he lehkhabu an lo pek lawk tawh chu alo en thuak thuak tawh thu a sawi a. Brig Sapliana chu Pathiana mi rinawm leh entawntlak anihna hi a ropui a ni a ti a. Zoram buai tih tawp duhtu leh a hun tam zawk pawh remna alo awm theih nana theihtawp chhuahtute zinga mi langsar anih thu a sawi a. Ama chanchin a ziahna lehkhabu hi a chhiartu ten engtinge lamlian thianghlim kan zawh ve theih ang tih ngaihtuah reng chung zela chhiar turin mitinte chu Pu Hawla chuan a chah a ni.
Brig Sapliana fapa Jesse Lalrova’n Pu Lal Thanhawla chu a pa mangan lai bera lo tanpuitu anih thin vanga he huna tel ve ngei tura an mi sawm bik anih thu a sawi bawk a ni.
He autobiography hi Dr.Laltluangliana Khiangte ina a bu a siam sak anih thu sawiin, a bu hming pawh hi a phuahsak anih thu a sawi a. Dr. Laltluangliana Khiangte hian lehkhabu a siam anih dan leh a chhunga thu inziak te sawi hawnna a nei nghal a ni.
He hunah hian Brig Sapliana tu leh fa te an kal tha hle a, an mi sawmte pawh an kim hle tih an report bawk a ni.
Brig Sapliana fapa Jesse Lalrova’n Pu Lal Thanhawla chu a pa mangan lai bera lo tanpuitu anih thin vanga he huna tel ve ngei tura an mi sawm bik anih thu a sawi bawk a ni.
He autobiography hi Dr.Laltluangliana Khiangte ina a bu a siam sak anih thu sawiin, a bu hming pawh hi a phuahsak anih thu a sawi a. Dr. Laltluangliana Khiangte hian lehkhabu a siam anih dan leh a chhunga thu inziak te sawi hawnna a nei nghal a ni.
He hunah hian Brig Sapliana tu leh fa te an kal tha hle a, an mi sawmte pawh an kim hle tih an report bawk a ni.
