Parliamentary Secretary Pu Lal Thanzara chuan tunhnaia Zoram chhung leilung atanga hausakna chi hrang hrang haichhuak tura hna kal mek leh hun reilote chhunga a rah seng tur inchhawp mekte hi Zoram tana malsawmna thlen nan Pathian hun ruat a ni ang, a ti. He thu hi Mizoram Business Organisation ten leilung hausakna haichhuah kawnga in hrilhhriat zauna hun Aizawl I & PR Auditorium-a an buatsaiha a sawi a ni.
Vawiina he hun hmanpuitu Chief Minister Parliamentary Secretary chuan tunlai khawvel chu thangtharte hun a ni tawh tiin zirna mai bakah sumdawn khawtlang nun kohhran leh sorkar inrelbawlnaah te pawh thalaite rilru sukthlek mila chak taka kal a ni tawh a. Mizoram leilung hnuaia hausakna hmasang atanga Pathian-in a dah tawh tuna haichhuah tan mekte pawh hi thalaite tana malsawmna thlentu tur a ni ang, a ti a. Tunah chuan Mizote chu hnam-ah kan chiang a, kawng tinrengah thalaite khawvel a nih tawh avangin heng kan leilung hausakna te pawh hi a chhawr tangkai leh hmanzai nachang kan hriat tawh avangin hetianga chak taka hmalakna awm ta mek pawh hi Pathianin kan thatna tura a hun ruat a ni ang, a ti.
Pu Lal Thanzara chuan leilung hausakna oil leh gas, lunghlu chi hrang hrang, insak nana hman chi lung leh balu-te haichhuah kawngah pawh hian kan mamawh hmasa chu kawlphetha a nih avangin Mizoram sorkar chuan kawlphetha tam zawk kan neih theih nan chak takin hma a la mek a ni a ti a. Khawvel pumah globalisation kan hmachhawn mek avangin hemi mila an nun vawng tlat turin thalai leh zirlaite a sawm a, Zoram chhunga leilung hausakna haichhuah a nih hunah chuan thalaite tan hna tam tak a piang anga, mahnia eizawnna tur pawh kawng zau tak a in hawn dawn avangin zirlaite chu tun atanga lo in puahchah turin a hrilh.
Leilung hausakna haichhuah kawnga inhrilh zauna hun awareness campaign-ah hian Geology & Mining mithiamten tun dinhmuna ramchhung leh rampawn atanga company lian tak tak ten oil leh gas zawn hna an beih mek dan te, Mizoram chhungah oil leh gas thahnem tak laichhuah tur awm ngei nia an hriat thu te, kum 5/6 lekah heng hausaknate hi haichhuah theih mai an in beisei dan te, haichhuah anih huna state leh sorkar laipuiin a hlawkna an insem chin tur bithliah dan te leh a kaihhnawih thil chi hrang hrang ngaihthlak a ni a. Insak leh thildang tul atana hman chi lung leh balu atanga Mizoram-in chhiah a lak dante tarlangin renchem leh daihzai taka hman a tul thu leh hetiang atang hian thalai lehkhathiamten eizawnna tluantling an neih theih dan te inhrilhhriat a ni.
Pu Lal Thanzara chuan leilung hausakna oil leh gas, lunghlu chi hrang hrang, insak nana hman chi lung leh balu-te haichhuah kawngah pawh hian kan mamawh hmasa chu kawlphetha a nih avangin Mizoram sorkar chuan kawlphetha tam zawk kan neih theih nan chak takin hma a la mek a ni a ti a. Khawvel pumah globalisation kan hmachhawn mek avangin hemi mila an nun vawng tlat turin thalai leh zirlaite a sawm a, Zoram chhunga leilung hausakna haichhuah a nih hunah chuan thalaite tan hna tam tak a piang anga, mahnia eizawnna tur pawh kawng zau tak a in hawn dawn avangin zirlaite chu tun atanga lo in puahchah turin a hrilh.
Leilung hausakna haichhuah kawnga inhrilh zauna hun awareness campaign-ah hian Geology & Mining mithiamten tun dinhmuna ramchhung leh rampawn atanga company lian tak tak ten oil leh gas zawn hna an beih mek dan te, Mizoram chhungah oil leh gas thahnem tak laichhuah tur awm ngei nia an hriat thu te, kum 5/6 lekah heng hausaknate hi haichhuah theih mai an in beisei dan te, haichhuah anih huna state leh sorkar laipuiin a hlawkna an insem chin tur bithliah dan te leh a kaihhnawih thil chi hrang hrang ngaihthlak a ni a. Insak leh thildang tul atana hman chi lung leh balu atanga Mizoram-in chhiah a lak dante tarlangin renchem leh daihzai taka hman a tul thu leh hetiang atang hian thalai lehkhathiamten eizawnna tluantling an neih theih dan te inhrilhhriat a ni.
