DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/leisenzo-rama-sanghal-thite-enfiahp

LEISENZO RAMA SANGHAL THITE ENFIAH

1304/2022-2023

Champhai, the 20th July, 2022: Nimin July ni 19, 2022 a Leisenzo ram khaw chhung atanga km 6 vel bawra hla, Ramlaiphul rama a chhan hriat loha Sanghal 3 thi hmuhte ruang chu vawiin khan A.H & Vety Department leh Forest Department hotuten a hmunah kalin an enfiah.

Thudawn bawhzuiin Champhai atangin Veterinary Officer Dr. Lalrinhlui leh Khawbung atangin Forest RO Pu T.Laltlanhlua ten Sanghal thite hi a hmunah kalin an enfiah a, Department-a thawktute, VC leh khawtlang mi thenkhat ten an tawiawm bawk a ni.

Sanghal thite hi a pui 2 leh a note 1 niin, an thihna hi a rei deuh hlek tawh avangin sample duhthusam anga tha lak tur awm lo mahse, sample theih ang angte endik tura lak a ni a. Sanghal thite hi uluk taka phum nghal an ni.

July ni 1, 2022 khan Samthang ram chhung Zopui phul hnuai ram ngawa Nghalchang pakhat thi chu AH&Vety Department leh Forest Department hotuten an lo enfiah tawh bawk a ni.

Attachment