Champhai-Khawbung kawng siam that hna kalpui chhoh mek zelah tunlai hian Leithum leh Dungtlang inkar kawng siam mek a ni a.  Mipui zin veivakte tana awlsam zawk nan leh kawng siam hna chak zawka thawh anih theih nan Pu Rex Zarzoliana Vanchhawng, Superintendent of Police, Champhai District, Champhai chuan Mizoram State Sawrkar Notification No. B.12021/10/2004-TRP D.01.06.2020 leh Motor Vehicle Act 1988 (act 59 of 1988) Section 115 in thuneihna a pek angin January 2021 chhunga hman atan Lirthei tlan dan tur ruahmanna thupek hetiang hian a chhuah.

Kawng hawn hun:
1) 6:00 PM - 9:00 AM
2) 1:30 PM - 2:30 PM

Kawng khar hun:
1) 9:00 AM - 1:30 PM
2) 2:30 PM - 6:00 PM

He thupek hian chhiatrupna thil, kangmei leh emergency kaihhnawiha duty-te, dan leh thupek pawimawh bika Police leh Magistrate duty-te chetvelna a huam lo ang.