No.942/2021-2022

Aizawl, 12th June, 2021 : Lengteng Assembly Constituency biala khaw pathum - Kawlkulh, Puilo leh Chhawrtuiah tunhnaiah Vawk thi 7 a awm avangin bialtu MLA, Human Resources Development Board Vice Chairman ni bawk Pu L. Thangmawia'n hma a la. Vawk thi hi Kawlkulhah 1, Puilo khuaah 2 leh Chhawrtui khuaah 4 a awm a ni.
 
Vawk 7 an thi thu a hriat veleh bialtu MLA Pu L.Thangmawia chuan ramg taka hma la nghalin AH&Vety Department hotute a bia a. Nimin (11.6.2021) khan Khawzawl Vety Officer ten Chhawrtuia vawk thi te hi a hmunah sample an la a, tunlaia vawk pul hri leng "African Swine Fever (ASF)" a ni rapid test hmangin an hmuchhuak a, hmunpui lamah nemnghet turin turin sample te hi vawiinah thawnthlak nghal a ni.

Pu L. Thangmawia chuan Vety Doctor-te thurawn angin Vawk hri leng mek khuahkhirh a nih theih nan hmanraw hrang hrang a ngaihtuah nghal a, Vawiin 12.6.2021(Inrinni) hian heng hmanruate hi a hnuaia tarlan ang hian Aizawl atangin thawn chhoh nghal a ni :

A. Kawlkulh khaw tan :
   1. Chinai bag 3
   2. Bleaching bag 4
   3. Sodium Hypochlorite bur 1
   4. Sprayer 1 

B. Puilo khaw tan :
   1. Chinai bag 1
   2. Bleaching bag 1

C. Chhawrtui khaw tan :
   1. Chinai bag 4
   2. Bleaching bag 5
   3. Sodium Hypochlorite bur 1
   4. Sprayer 1 

Pu L. Thangmawia chuan vawk pul hri vanga vawk thihna khua te chu fimkhur tura chahin,  tuna Vawk pul hri leng mek hi tihdam theih a nih loh avangin theihtawp chhuaha kan in ven a ngai a ni, a ti a. Hmun dang ațanga sa lakluh chungchangah fimkhur tura chahin, theihtawp chhuaha vawk pul hri hi do tlan a ngaih vangin sawrkar ruahmanna leh hmalakna te ngaichang a, fimkhur taka kan tan zel a tul a ni a ti.

Attachment

  • Loading attachment...