3413/2023-2024

Aizawl, the 20th January 2024: Labour, Employment, Skill Development & Entrepreneurship changtu Minister Pu Lalnghinglova Hmar leh Ministry of Micro, Small and Medium Enterprises a Secretary Pu S.C.L Das te chu nimin khan Delhi ah an inkawm a. Mizoramin hma a sawn theih dan kawng hrang hrang te an sawi dun a ni.

Pu Lalnghinglova Hmar chuan Mizoram Sawrkarin hand holding policy thar Bana Kaih a ruahman dawn tih hrilhin Ministry of MSME scheme hrang hrang te chu hemi kawngah hian a chhawr tangkai thei dawn nia a hriat thute leh awmze nia taka hman a ni thei nia a hriat thu te a sawi a. MSME hnuaia hmalakna chu investment sang lutuk lo, hun rei tak nghah ngai lo, rah chhuah zung zung thei a nih vangin Mizo rilru sukthlek nen a inmil thute Secretary a sawipui a ni.

Secretary hian amah leh a team-te Mizorama kala hmalak dan rel tha a tih thu Minister a hrilh a ni.