1781/2026-2027

Dated Aizawl, the 13th August, 2026: Vawiin khan Directorate of LESDE conference roomah Dr. Lalhriatzuali Ralte, Secretary, LESDE Department chuan Industry Outreach Workshop, PM-SETU Scheme atana buatsaih chu a hawng a, he scheme hmanga thalai ten eizawnna tha zawk an hmuh ngei a beisei thu a sawi.

Workshop hi Pi Pinky Zosangpuii, Director LESDE in kaihruaiin industry te pawimawhzia leh hnathawk thei thiamna nei chherchhuahna atana thawhho a tul zia a tarlang bawk. PM-SETU scheme chungchang kimchang takin Central PMC team KPMG te hnen atangin ngaihthlak a ni a. PM-SETU scheme hmang hian India ram puma ITI 1000 te chu infrastructure, curriculum leh placement support te hmanga tihchangtlun tum a ni. He scheme hi Rs. 60,000crore hu niin ITI tihchangtlun mai bakah Centre of Excellence tha tak panga (5) din tum a ni bawk. Mizoram bik ah chuan Hub ITI pakhat (1) leh Spoke ITI pahnih (2) neih tura ruahman a ni. Hmarchhak state hrang hrang ten PM-SETU an kalpui dan leh hmalak tawhte report chu Shri. Rohan Patil (JES) RDS DE, hnen atanga ngaihthlak a ni bawk.

He scheme hlawhtling taka a kal theih nana hmalak dan tur leh thawhho dan tur workshop chhimtu Industry, Financial Institution, Skill Training Institution hrang hrang atanga lokal te leh LESDE Department thawktute nen sawiho a ni bawk.

Pu T. Thangropianga, Joint Director, LESDE chuan lawmthu sawiin workshop hi a khar ani.