Father of Library Science in India tia hriat Dr. S.R. Ranganathan-a piancham August ni 12 hi Central sorkar Ministry of Culture chuan ram pumah ‘Librarians’ Day’ atana hman thin tura a puan angin Mizorama a vawi 2-na atan vawiin khan Art & Culture Department hnuaia State Central Library Building, New Secretariat Complex ah Librarian Day hlawhtling taka hman a ni.

He programme hi Pi Carol VLMS Dawngkimi, Deputy Director, Art & Culture Department in a kaihruai a. Pu Ngurbiaka Director chu khuallian a ni. Pu Lalramliana, State Librarian mawhphurhna la mektu in Library pawimawhna leh mitin tana hman tangkai a pawimawh thu a sawi. Art & Culture Department officers leh staff te bakah Mizo Academy of Letters, MJA, Mizoram Library Association Executive Committee member te bakah sawm bik Aizawl khawpui chhunga Tlawmngai Pawl Library enkawltu leh Institutional and Departmental Library enkawltute bakah library lama mi tuite leh media lama thawkten he programme hi an hmanpui a. District Library Aizawl atanga lehkhabu hawh tha mi 3 te hnenah leh State Central Library atanga Children member lehkhabu hawhtha 10 thlanchhuahte hnenah lawmman sem a ni.