S.P Traffic Aizawl chuan mipui vantlang leh kawngpui hmangtute remchan zawkna tur leh him zawkna atan Saron Veng leimin avanga Line Bus helai tlantlang thinte kal dan tur a hnuai ami ang hian a siam.
- ITI/Mualpui, Salem Veng, Bethlehem Veng Line Bus te chu College Veng to Bazar via Republic, Upper Republic, Sikulpuikawn, Khatla kawn, Tennis Court, Temple Square, Zodin, Bazar Bungkawn, Modern Kual, Chhinga Veng, Electric Veng atangin Bazar ah an lut chho ang a, let leh lamah Bazar atangin Bazar Bungkawn, Treasury Square, Venghlui (Pi Pangi peng), Republic Veng lamah an tlan ang.
- Bus tlan dan tur timing chu Line Bus Owner Association ten an ruahman anga, Bus nitina tlan thei tur zat chu Mualpui Bus pali, Salem Veng Bus pahnih leh Bethlehem Veng Line Bus pahnih te an tlan phal a ni ang.
He Thupek/Hriattirna hi thu leh awm hma chu ni 23.6.2017 (Zirtawpni) atanga hman tur a ni.
