No.4013/2020-2021

National Disaster Management Authority (NDMA) ruahmanna hnuaia Video Conference kaltlanga neih 'Incident Response System (IRS) Training and Table top Exercise on Earthquake for Mizoram' tih chu chhiatrupna thlen palh a Kolasib district-a mawhphurna hrang hrang latu turte chuan vawiin chawhnu khan National Informatics Centre (NIC), DC Office, Kolasib atangin an zawm.

He hun hi chawhnu dar 2 atanga hman tan niin Lt. Gen. Syed Ata Hasnain (Retd), Member, NDMA chuan keynote address a sawi a. Pi Ramdinliani, Addl. Secretary, DM&R in State Disaster Management Plan leh lirnghing thleng thulh thei lak a inpuahchahnate presentation hmangin a sawifiah a. Brig.Kuldip Singh (Retd), Sr. Consultant, ME&IRS, NDMA chuan IRS Training presentation leh Table Top Exercise a nei a. National Centre for Seismology atangin presentation ngaihthlak ani bawk a. Dr. F.Lallianhlira, Principal Director, H&FW Dept. hnen atangin lirnghing leh Covid-19 laka medical lama inpuahchahnate ngaihthlak niin, Pu J.Lalthafamkima, MPS, AIG (Operation) chuan Mizoram Disaster Response Force inpuahchahnate a sawifiah a. National Disaster Response Force (NDRF) Hqtrs. atangin Mizorama chhiatrupna thlen thulha chetlak dan tur duante ngaihthlak a ni bawk.

NIC Kolasib atanga 'Incident Response System (IRS) Training and Table top Exercise on Earthquake for Mizoram' Video Conference neihah hian Pu Lallawmawma, Addl DC, Pu Vanlalfaka Ralte, SP Kolasib leh district official dangte an tel a ni.