2659/2025-2026
Aizawl the 15th December, 2025 : Aizawl khawpuiah nitinin lirthei a pung zel a, kea kalte tan a him zawk nan leh harsatna a siam loh nan lirthei neituten kan lirthei hman dan leh dah/park danah fimkhur turin kan inhriattir a ni.
Mihring kalna tura ruahman; Footpath-a lirthei khalh emaw, dah/park emaw, kea kalte tana hnawk khawpa Footpath rapa lirthei dah emaw hi The Motor Vehicles Act, 1988 - Section 122-na leh The Motor Vehicles (Driving) Regulations, 2017 - Section 39-na chuan a khap tlat a, dan bawhchhiate chu The Motor Vehicles Act, 1988 - Section 177-a hrem theih an ni. Chuvangin lirthei khalhtuten Footpath-a lirthei dah lo turin kan inhriattir a, hei hian reilote dah zawk pawh a huam vek a ni.
Footpath-a lirthei dah/park hnawkte chu Traffic Control Room (Ph: 9366553559)-ah an lirthei thlalak, registration number langin; an dahna hmun nen hriattir zel turin kan inngen e.
