October, 2017 thla chhung atana lirthei intlanchhawk/indinchhawk enchhinna kalpui chu Coordination Committee on Traffic Management meeting ni 27.10.2017-a ennawn a nih hnuah kalpui chhunzawm zel nise ti a rel a nih ang leh Mizoram State Sorkar Notification No.B. 12021/10/04-TRP Dt.22.8.2008 leh Section 115 of MV Act, 1988-in thuneihna a pek angin, Aizawl khawpui chhunga mipui vantlang him tlan zawk nan leh lirthei tawt lutuk tih ziaawm nan Aizawl khawpui (AMC area) chhungah 1st November, 2017 atanga thuleh awm hma chu he intlanchhawk/indinchhawk enchhinna hi kalpui chhunzawm zel turin Superintendent of Police, Traffic, Aizawl City chuan ni 27 October, 2017 khan a hnuaia mi ang hian mipuite hriattirna a chhuah :
INTLANCHHAWK DAN TUR LEH A HUAM CHIN TUR :
1. Intlanchhawk hian mimal motor leh Sorkar motor Two-Wheeler tiamin (exempted bik tiam lovin) a huam ang.
2. Lirthei registration number a digit tawp ber ang zel ni ah lirthei tlanchhuah khap a ni. Entirnan -4a tawp chu ni 4, 14, 24, ah a tlanchhuah thei lovang, chutiang zelin 2 a tawp chu ni 2, 12, 22 ah a tlanchhuah thei lovang. Lirthei registration number a digit tawp ber 1 (pakhat) te chu ni 31 awmna thla ah te chuan ni 31 ah an tlan chhuak thei ang.
3. Tlanchhuah phalloh hun hi Zing dar 8:30 atanga Tlai dar 5:30 inkar a ni
ang.
4. Mizoram District dang leh State pawna register, Private Motor Aizawl khawpui chhunga awm leh rawn tlanlut tur reng reng te pawh intlanchhawk hian ahuam ang.
5. Tlanchhuah phalloh ni hian Sunday chauh ahuam lovang.
A HUAMLOH TUR TE :
1. Governor, Chief Minister leh Speaker-te (an carcade tiamin) ahuam lovang.
2. Public service vehicle (passenger phur chi lirthei) entirnan - City Bus/Bus, Maxi Cab/Sumo (State dang registered huamin), Auto Rickshaw, Institution Bus, Department Bus, Two Wheeler Taxi.
3. Taxi te hi tuna an intlanchhawk dan pangngai ang hian an tlan chhunzawm zel ang.
4. Police department motor duty, Traffic Police duty-te, Fire (F&ES) motor, Excise & Narcotics motor duty, Medical & Hospital Emergency duty, ambulance/Morgue van, Executive Magistrate law and order duty leh emergency duty, Media mi te (MJA sticker tar te chauh),. PHE emergency duty leh PHE tuisem, P&E emergency duty, Bawnghnute sem, Chanchinbu sem, AMC hnuaia Bawlhhlawhpaih motor duty, Army leh Para-Military Force, Government Department/Office Despatch Rider-te.
5. Rualbanlo te tana Special Vehicle te a huam lovang.
6. District dang atanga Sorkar thil pawimawh a duty te, Law & Order leh Essential Commodities duty te chu Aizawl City Traffic Police-te an hrilh hmasak hnuah ngaihhnathiam an ni ang.
7. Lirthei 407 (truck) leh a chunglam te National Highway-54 Bawngkawn leh Zemabawk inkar a tlandan tur Traffic Police ten an lo ruahman tawhsa anga tlan tlang tur te a huamlo bawk ang.
A chunga ahuamloh tur sawi bakah hian eng emaw hriatlawkloh emergency case leh tul bik tak tak thilah chuan Aizawl Traffic Control Room Phone Number : 0389-232307/2313061 ah hriattir in an thu leh hla ngaihchang hmasa in an ruahmanna siam te zawm thin tur a ni.
He thupek zawmlo man te chu Section 179 of MV Act hmanga hrem an ni ang.
