Vawiin chhun dar 12 : 00 khan Don Bosco School Auditorium, New Colony, Saiha-ah Superintendent of Police, Saiha buatsaih in Saiha khawpui chhunga Lirthei hrang hrang khalhtu te hnenah “Lirthei khalh chungchanga inzirtirna” neih ani. He programme hi Pu Francis Lalnuntluanga Ralte, Additional S.P., Saiha chuan a kaihruaia Pu K.Chhuabei, E.M., M.A.D.C. chu khuallian ani.

He programme hman anih chhan sawihawnna thu sawiin Pu SD Mishra IPS, SP Saiha chuan Trafic Police te ngawrh leh taima takin an duty reng thin ani tiin Trafic checking ngawrh leh uluk taka kan neih chhan hi mitin ten an tihtur kim leh fel taka an tih theih nan ani tiin lirthei khalh tuten zu leh ruih theih thil dang rui chungin an lirthei te khalh lo turin a chah a, lirthei khalh tu ten an motor in a phurh theih chin bak phur lo turin a ngen bawk. Motor Horn te hmang tangkai tur leh Lirthei khalh laia Mobile Phone te play thin lo turin a chah bakah Two Wheeler khalh tuten Helmet khum ngei tur leh mi pahnih aia tam inphurh lohtur ani ati bawk.

He programme hmanna-a khuallian Pu K. Chhuabei, E.M., M.A.D.C. chuan thu sawiin khawvel hmasawn chho zelah Saiha khawpui chhungah lirtheite a lo tam ve tawh a, kan kawngte zauh theih ani tawh silova chuvangin Dan zawm turte kan inzirtir a ngai ani tiin motor neituten kan kawng zimte hi engtinnge nuam taka kan siam theih ang tih hi kan rilru-ah awmse a duh thu a sawi a, khawpui chhung hmun thenkhat ah Vehicle Parking Fee-2014 siam tawh chu kumin September, 2015 atanga hman tan anih thu a sawi bawk. Motor Parking Fee hi a tlem thei ang bera siam ani tiin Dropping Zone ah chauh mi kan drop tur ani tiin dropping Zone lova mi kan drop hi dan kalh ani ati bawk. Pu Francis Lalnuntluanga Ralte, Additional S.P. pawhin Lirthei khalh chungchanga zirtirna hrang hrangh te a pe a, Pu J.Laichha, S.D.P.O. Saiha chuan lawmthu sawina neiin he programme hi a titawp ani.