3228/2023-2024

Lirthei siamtu company-in a siam dan niloa mahni duh dana lirthei lo tihdanglam (modify) hi The Motor Vehicles Act, 1988 Section 52-in a khap tlat a. Sawrkar atanga phalna nei lova lirtheite tidanglam lo turin lirthei neitute kan inhriattir thar leh a ni.

Company-in an vuahsa nilo Silencer (after market/modified silencer) hian midang hriat hrehawm khawpa ri bengchheng a siam mai bakah; kum upa leh damlote tan heng ri bengchhengte hi tawrhhlelhawm tak a ni. Aizawl khawpui chhungah; a bik takin Two-wheeler neituten phalna nei lova Silencer thlak leh tidanglam kan awm tih hriat a ni. Rule No. 120, the Central Motor Vehicles Rules, 1989 chuan Two-wheeler te tan 80 dB (A) aia ring pe chhuak thei silencer hman a khap tlat a, dan bawhchhiate chu Section 190 (2), the MV (Amendment) Act, 2019 hnuaiah Rs. 10,000/- thlenga chawi theih a ni. Phalna nei lova lirthei silencer lo thlak hi dan bawhchhiatna langsar tak a nih avangin uluk taka enzui leh a tirem tura theihtawp chhuah turn a ni. Tin, Traffic Police duty awm lohna hmunah hetianga dan bawhchhiate chu an lirthei thlalak leh lirthei number-te Traffic Control Room Phone number - 0389 2313061 (Call) leh 9366553559 (Call/whatsapp) ah te hriattir thin turin kan inngen a ni.

Sawrkar atanga phalna nei lova lirthei silencer lo thlak leh lirthei nihphung tihdanglam avanga man te chu The Motor Vehicles Act, 1988 Section 177, 179 leh 190 (2) hmanga chawitir (fine) zel an ni ang.

Lirthei neitute zingah danin a phal loh silencer ri ring chi lo vuahte chu company-in a vuahsa (stock exhaust)-a thlak leh vek turin kan inngen e.