2028/2025-2026
Aizawl the 31st October, 2025 : Aizawl - Durtlang - Lungdai - Kawnpui Road CRIF Scheme Improvement hnuaia hna thawh kal zel ah Sihphir khawchhung (Ch. 7.120 - 9.126 Kmp) ah concrete pavement hna thawh tan tum a ni a. Hnathawktu ten tluang tak leh ngawrh taka hna an thawh theih nan leh Sr. EE. PWD. Aizawl Road North Division in a rawn dil ang in Pu Rex Zarzoliana Vanchhawng, a hnuaia hming sign tu hian Government of Mizoram Notification No. B. 12021/10/2004-TRP Dt. 01.06.2020 leh Motor Vehicle Act, 1988 (Act 59 of 1988) Section 115 in thuneihna a pek ang in he kawng a lirthei tlan dan tur a hnuai ami ang hian thupek a chhuah.
- Dt. 03.11.2025 (Monday) zing dar 7:00 AM atanga kawng siam zawh hma chu HMV chin chung lam tan tlan phal a ni lo ang a, Sairang road ah tian tur a ni.
- Dt. 03.11.2025 (Monday) zing dar 7:00 AM atanga kawng siam zawh hma chu HMV chin hnuai lam Aizawl atanga Kawnpui lam pan tur tan Sihphir Lower Lane Road ah tlan tur a ni ang.
- Dt. 03.11.2025 (Monday) zing dar 7:00 AM atanga kawng siam zawh hma chu HMV chin hnuai lam Kawnpui atanga Aizawl lam pan tur tan Sihphir Bypass Road ah tlan tur a ni ang.
He thupek hian chhiatrupna thil, kangmei leh emergency kaihhnawih a duty, dan leh thupek pawimawh bik a Police leh Magistrate duty te chet velna a huam lo ang. Hnathawhna hmun paltlang lirthei veivak lo enkawl chu PWD te mawhphurhna a ni ang. He thupek bawhchhia chu u/s 179 Motor Vehicles Act, 1988 hmanga hrem theih an ni ang.
