SP Traffic chuan thuchhuah siamin St. Paul’s leh Mary Mount School naupang lirthei a thlah te tlan dan tur a hnuai ami ang hian a ti danglam dawn a. Hemi chungchanga rawtna leh sawi duh nei te chuan February 15, 2012 thleng SP, Traffic, Mizoram hnenah ziakin emaw tawngka in emaw thlen thih a ni.

Zing dar 8:00-9:00 inkarah Kulikawn atanga Tlangnuam lam panin eng lirthei mah a chho zawnga kal phal a ni lo anga. School naupang thlah tur lirthei chu Kulikawn atangin Ngaizelah an phei anga, Saikhamakawn atanga Tlangnuam Vengtharah chhovin Tlangnuam Kawnah a chhuak ang a, chuta tangin St Paul’s School leh Mary Mount School an pan thla leh ang. Dar 8:00am leh 9:00am inkar hian Tlangnuam kawn atanga Tlangnuam Vengthar kaltlanga Saikhamakawn panin lirthei ke li nei chi tlanchhuk phal loh a ni ang. Hetih hun chhung vek hian Kulikawnah lirthei ke li ni inher (turning) phal a ni lo ang.