506/2025-2026

Lunglei, 2025 Ṭomir thla ni 20: Lunglei Municipal Council (LMC) Chief Executive Officer (CEO) Pu Donny Lalruatsanga chuan May ni 14, 2025 khan Lunglei khawpui chhunga hoarding tar chungchangah a hnuaia mi ang hian hriattirna a chhuah.

"LMC lehkha dated 27th of March, 2025-a tihchhuah tawh angin Lunglei Municipal Council Area huam chhungah The Lunglei Municipal Council (Display of Advertisements & Hoardings) Regulations, 2024 rule 31-in thuneihna min pek angin leh Board of Councillors (BoC) Meeting Dt 21.03.2025-in a lo rel angin, June 2025 aṭangin Lunglei khawpui kawngpui dung (main road) Pukpui - Lunglawn bikah hoarding (structure permanent) tender hmanga kalpui tawh tur a nih avangin Department/Pawl/Kohhran/mimal, etc. te'n kan thil tarte Order tihchhuah aṭanga 31st May, 2025 chhungin senghawi tura ngen kan ni e. Hmun dang erawh chu regulation-in thuneihna min pek angin a dil leh mamawhtute apiangah pek theih a ni ang."