2776/2023-2024

Lunglei the 10th, November' 2023: Vawiin khan DRO Pisa Hulhliap, Bazar Veng, Lunglei ah Mizo Academy of Letters, Joint Hqrs, Lunglei buatsaihin MAL, Jt. Hqrs, Lunglei Golden Jubilee Souvenir " Fin Khawm" tlangzarhna hun hman a ni. Pu Lalzuithanga Khiangte, Chairman, Lunglei Municipal Council chuan khuallian niin a tlangzarh.

He hun hi Pu K.T. Chhawna, Chairman, Souvenir Committee chuan kaihruaiin LMC Chairman Pu Lalzuithanga Khiangte chuan MAL Jt, Hqrs, Lungleiin Golden Jubilee Souvenir hriat reng nan a "Fin Khawm" an buatsaih chu lawmawm a ti a. MAL in Mizo literature ti hmasawna, tih changtlunga, Mizo tawng tawngkauchheh humhalh leh chawilar kawng ah te, Mizo tawng tih hausak leh hmasawn bakah Mizo zia leh nihphung te vawn nun a nih theih nana tangkai tak ni turin a duh a ni. Kum 1989 atanga Book of the year thlan thin hian ziak mite tan lehkhabu thar a cho chhuak thin thu a sawi a, Mizo tawng humhalh kawnga hmalakna ah hian mipui ten kan ngaipawimawh lovin kan phurtawk loh thin thu a sawi a. Mizo tawng humhalh leh venhim kawngah tan la thar a MAL te hmalakna hi tawiawm theuh turin a chah bawk a ni. Pu Lalzuithanga chuan LMC chungchang sawiin LMC in hna an thawh theihna turin tan chhan tur hna kan neih a ngaih avangin rules and regulation by laws paruk parking regulation and rules 2023 te, building regulation and rules 2023 te ,solid waste management regulation and rules 2023 te, plastic waste management regulation and rules 2023 te , licencing regulation and rules 2023 te,Advertisment and hoarding regulation and rules 2023 te hi peihfel vek a nih thu a sawi a. Cabinet approve hnuah ataka hnathawh a nih tur thu a sawi bawk a ni.

Nl. Zonunkimi chuan 'Fin khawm' tih lehkhabu thlir lawkna neiin kum 50 tlin lawmnan MAL Jt, Hqrs, Lunglei in "Fin Khawm" an buatsaih a, Fin Khawm hi thu hrang hrang lak khawm niin thupui hlawm 27 a awm a, thuchham, lengzem, autobiography bakah zirlai te tana tangkai tur tawng upa hmandan te, Award hrang hrang te, Mizo tlawmngaihna te a tel a ni.

He hun ah hian M.A.L Jt.Hqrs Lunglei President Pu C.Hrangdula pawhin thusawinahun  neiin 'Fin Khawm' Editor hnen atangin report ngaihthlak anih bakah mal zai ngaihnawm tak tak te ngaihthlak a ni bawk.