Mizoram Local Administration Department chuan thuchhuah siamin, kum 2014-a Mizoram chhunga lo, leipui leh huan hal tur te chuan March ni 15, 2014 ral hma ngeiin hal vek turin leh, an lo, leipui leh huan bak ramdang tikang lo tura meilam sialin kangmei an veng tur a ni, a ti. Mahni Village Council Area pawn lama ram hal tur nei te chuan ram an neihna khuaten an hal ni ah hal ve turin hriattir an ni bawk.

He thupek hi The Mizoram (Prevention and Control of Fire in the Village Ram) Rules, 2001, Section 3, 4 & 5 leh Govt. Letter No. B.14016/28/06-LAD/VC Dt. 7.2.2014 in a sawi anga siam a ni.

Thupek zawm lote chu V.C.P, police leh DFO hnenah report tur an ni a.Ram kang a lo awm palh a nih chuan V.C ten hnatlangin a rang thei ang berin an thelh mit tur a ni.