2976/2022-2023
Aizawl, the 7th December 2022: Agriculture Department bultumin 7th December, 2022 11:00 AM (Wednesday) Khan SAD Conference Hall, MINECO, Khatlaah Agriculture Department Officers te leh State Level Bankers Committee ten inkawmna an nei a. He hunah hian Sawrkar laipuiin a Loneitute te tan a hamthatna - Agriculture Loan (Credit Facilities) a ruahmante, Mizoram Loneitu tamzawkin tangkai zawka an hman theih dan tur chungchang sawikhawm a ni a. Agriculture Department hnuaia Centrally Sponsored Schemes hnuaia hmalakna hrang hrang te pawh chawhnu lam Session ah thlir hona (Review Meeting) neih a ni bawk a ni.
Meeting hi Pu J. Hmingthanmawia, Secretary, Agriculture chuan a kaihhruai a. Loneitu te hmakhua ngaia Central Sorkarin a Agriculture Loan hrang hrang a ruahman thu leh Loneitu tamzawkin heng Loan te hi an hman tangkai a pawimawh thu a tarlang a. Loneitu tamzawkin a Agriculture Loan an lak theihna kawngah Agriculture Department in theihtawp a chhuah tur thu a tarlang bawk.
He Meetingah hian District hrang hrang aiawh Lead District Managers, AMFU te leh District Agriculture Officers, District hrang hrang atanga lo kal ten an mahni District huamchhunga Agriculture Loan pekchhuah a nih dan te leh hemi chungchanga harsatna an tawh hrang hrang te tarlangin Loneitu tamzawkin Agriculture Loan an chhawr theihna tur a hmalak dan tur hrang hrang te sawikhawm a ni bawk.
Meeting ah hian Pi Lalnilawmi, Chief Manager & Coordinator, State Level Banker Committee in Mizoram puma Loneitute te hnen a Agriculture Loan pek a nih dan tarlangin kumin 2022-23 chhung a Mizoram State tan Credit Scheme ah Target pek an nih thu leh heng Target te hi ti hlawhtling tur chuan Agriculture Department ten theihtawp an chhuah a ngaih thu a tarlang bawk.
Chawhnu Session (12:00 – 3:00 PM) ah Agriculture Department in Centrally Sponsored Schemes leh Central Sector Schemes a kalpui mek te leh heng Schemes hnuaia District hrang hrang a hmalakna te sawikhawm a ni bawk a. Review Meeting hi Secretary, Agriculture in kaihhruaiin he Meetingah hian Directorate a Schemes enkawltu Officers te, District Agriculture Officers te leh Sr. Scientist & Head, Dsitrict hrang hrang a KVKs te an tel a ni.
